కిటికీ లోంచి పడమటి గాలి…
దేహాన్ని చల్లగా తాకింది.
ఆకాశం అంచుల్లోంచి …
విద్యుల్లతలు కాంతులు విరజిమ్మాయి.
చీకటి గోడలపై మెరుపులు…
వెలుగు రంగులద్దాయి.
పగళ్ల సెగలు దాటిన ఊరికి..
రాత్రి ఉరుములు …
వాన కబురు తెచ్చాయి.
వేడితో…ధూళితో…
వేసారిన పుడమి తనువుపై…
చల్లని ధారగా…
స్నానంగా…
రాత్రి కురిసింది.
కష్టాన్ని …..
ఓ సుఖం వెంటబడి తరిమింది!
చీకటితో కలిసిన చినుకు…
నిద్రని చల్లబరిచింది.
ఉదయం ….
కడిగిన సూర్యోదయంలోంచి….
మరో స్వచ్ఛమైన రోజు అడుగుపెట్టింది!
**************