- ఓ సౌభాగ్యలక్ష్మి !
ఆభగవంతుదు, పరమాత్మ, అవ్యయుడు,
చరాచరసృష్టికి మూలభూతుడు
అయిన నీకాన్తుడు శ్రీమహావిష్ణువు
నీకు పతియై “ లక్ష్మీపతియై ”
త్రిజగత్తులకు పరమాత్మయై
విలసిల్లినాడు.
- ఓ సౌభాగ్యలక్ష్మి !
నీపతి శ్రీమహావిష్ణువు లక్ష్మీపతి
యగుట వలన విశ్వైకవంద్యుడై
మహదదృష్టముతో తేజరిల్లినాడు.
- ఓ సౌభాగ్యలక్ష్మి !
నీ కృపావీక్షణము నాపై – లవలేశమైన
యుండిన భోగభాగ్యములతోపాటు
జగత్ ప్రసిద్ధిని సుగతిని ఓ తల్ల్లీ ! ఈ క్షణమే
పొందుదును.
- ఓ సౌభాగ్యలక్ష్మి !
విజ్ఞానమనే దివ్యకాంతులతో
నీ భక్తుల హృదయమందున్న అజ్ఞాన
తిమిరాన్ని పారద్రోలి నీ అమోఘమైన
ఆశీస్సులతో ఎల్లప్పుడు
రక్షించుచున్నావు గదా !
- ఓ సౌభాగ్యలక్ష్మి ! ఓ తల్లీ !
వేదవాఙ్మయమున పఠించుచు
అర్చకులు మంగళ కలశాలతో
గంగాది పవిత్ర తోయముతో
నిన్నభిషేకించి ఆగమోక్తప్రకారముగా
ఎల్లడల నిన్నర్చించున్నారు.
- ఓ సౌభాగ్యలక్ష్మి !
దేవేంద్రుడు కృతాంజులుడై “ ఓ భువనేశ్వర
నన్ను కరుణించుమమ్మా ! ” అని
ప్రార్థించి ఇంద్ర పదవిని పొంది
ఆనందించుచున్నాడు.
- ఓ సౌభాగ్యలక్ష్మి !
సంసారమనే స్వేదముతో
కలుషమైన మోహజాలంలో
మానవులు మునిగి త్రేలుచున్నారు.
అమ్మా ! మానవ జీవితమన్న
ఎత్తు పల్లములతో కూడినదిగదా !
- ఓ సౌభాగ్యలక్ష్మి !
వేదాన్త బోధతో చల్లనై స్పష్టముగా తెలుసు
కొనబడి, నీ కైంకర్యమనే
పుణ్యముచే గురిబెట్టబడి
గుర్తించబడిన, ఆత్మావలోకనమనే
సుఖమును కలిగించి, దయతో
బ్రోవుమమ్మా !
- ఓ సౌభాగ్యలక్ష్మి !
జ్ఞానము – బలము – ఐశ్వర్యము
వీర్యము – శక్తి – తేజస్సు అనే
షడ్గుణ పరిపూర్ణమైనదానివై
కలికాల, కలిదోషమును హరించు
దేవతా ! ఈ షడ్గుణప్రభావము
మాకునూ కలిగించుమమ్మా !
- ఓ సౌభాగ్యలక్ష్మి !
( అం + అ ) అమ్మ – అంతులేని అడ్డులేని
అనవద్యమైన శుభములతో
నిత్యము ప్రకాశించుదానా ! తల్లీ !
బ్రహ్మాండనాయకుని వధువ
కలశాబ్ధి పుత్రి, సర్వశోభాయమైనదానా !
తల్లీ రక్షించుము. మము చల్లగా బ్రోవుము !
- వేదాల వంశోద్భవ పండితులలో
మాననీయుడు ఉ|| వే|| శ్రీ స్వామి వెంకటా
చార్యుల వారి పుత్రుడైన శ్రీనివాసా
చార్య కృతమైన శ్రీహర్ష వర్షమన
ఈ కృతిని భక్తులు పఠించి అధిక
ఆనందమయమైన జీవనమును
గడుపుదురు గాత ! ఇతిశమ్ ||
*******************