—
కల్ల కపట మెఱుగనిపసిపిల్లల్లారా !
చిఱునవ్వులు చిందించేచిదానందమూర్తుల్లారా !
–
పాపల్లారా ! మాకనుపాపల్లారా !
మాయింటిదీపాల్లారా !
దైవస్వరూపుల్లారా !
–
మనిషికి దేవుడు మన సిచ్చాడు !
ఆమనసున మాయనిమమ తిచ్చాడు !
మమతలు నిండినమనిషి దేవు డని
మనసున నిలిచి పలికాడు !
–
మమతలు మఱచి మనసులు విఱిచి
మనిషి ఱాయిగా మారాడు !
మనసున నిలిచినదేవునిమాటే
మఱచి పశువుగా మారాడు !
–
పశువుగ మాఱినమనిషికన్నను
శిశువే మేలండీ !
భూమిని స్వర్గం చేయా లంటే
తగినవారు మీరేనండీ !
–
మంచిని పెంచుటె సంస్కారం !
మంచిని మఱచుట అపచారం !
మనసు మనసునూ మాలగ గ్రుచ్చుటె
మాధవదేవుని కుపచారం !
–
*************