నీలినీలపుఆకాశం
విప్పినగొడుగల్లే వుంది !
చుక్కలు నిండిన ఆకాశం
చిల్లులగొడు గై పోతుంది !
గొడుగులు కుట్టేసాయిబుగారికి
ముడుపు సరిగా ముట్టదొ యేమో !
ఉదయం అతికినటాకా లన్నీ
ఒక్క పూటకే విడిపోతున్నవి !
వర్షాకాలం సాయిబుగారికి
పని రద్దీగా ఉంటుంది !
టాకా లేయనిమింటిగొడుగులో
యేకధారగా ఒకటే వర్షం !
పగలూ రాత్రీ ఒకటే వర్షం !
ఎండకు వానకు పనికిరాని దిది
యెందుకు చిరుగులగొడుగు ?
ఇంతపిసరు వర్షం వస్తేనే
ఇవతల అవతల ఒకటే మడుగు !
పాతచింతకాయ్‌పచ్చడీ అయితే
పథ్యానికి పనికొస్తుంది !
తాతలనాటిదె అయినా చిరిగిన
పాతగొడుగు పనికొస్తుందా ?
👉🏾మీకు నచ్చితే Like బటన్ నొక్కండి. మీ అభిప్రాయాలను ఈ క్రింద వ్యాఖ్యల పెట్టె (comment box) లో తెలియజేయండి👇🏾