11_011AV నిర్వాణ షట్కం

మనో బుధ్యహంకార చిత్తాని నాహం

న చ శ్రోత్రం న జిహ్వా న చ ఘ్రాణనేత్రె |

న చ వ్యోమ భూమి ర్న తేజో న వాయుః

చిదానంద రూపః శివోహం శివోహం ||

నచ ప్రాణ సంజ్ఞో న వైపంచ వాయుః

న వా సప్తధాతు ర్నవా పంచ కోశాః |

నవాక్పాణి పాదౌ న చోపస్థ పాయూ

చిదానంద రూపః శివోహం శివోహం ||

న మే ద్వేషరాగౌ న మే లోభమోహో

మదో నైవ మే నైవ మాత్సర్యభావః |

న ధర్మో న చార్ధో న కామో న మోక్షః

చిదానంద రూపః శివోహం శివోహం ||

న పుణ్యం న పాపం న సౌఖ్యం న దుఃఖం

న మన్త్రో న తీర్ధం న వేదా న యజ్ఞః |

అహం భోజనం నైవ భోజ్యం న భోక్తా

చిదానంద రూపః శివోహం శివోహం ||

న మృత్యు ర్న శంకా న మే జాతి భేదః

పితా నైవ మే నైవ మాతా చ జన్మ |

న బంధు ర్న మిత్రం గురుర్నైవ శిష్యః

చిదానంద రూపః శివోహం శివోహం ||

అహం నిర్వికల్పో నిరాకార రూపో

విభూత్వాచ్చ సర్వత్ర సర్వేంద్రియాణామ్ |

న చ సంగతం నైవ ముక్తిర్ న మేయ:

చిదానంద రూపః శివోహం శివోహం ||