.
అల్లరిచేష్టలకృష్ణయ్యా !
మాఉల్లము లేలేకన్నయ్యా !
చిన్నపాపలము పిలిచా మయ్యా !
నిన్నే నిన్నే తలచా మయా !
.
వెన్నెలదొంగా ! నీమన సంతా
వెన్నకన్న మెత్తని దంటారే !
వెన్నవంటిమామనసులు దోచి
కన్ను గప్పి పోతున్నా వేమీ ?
.
నల్లనిమోమున తెల్లనికన్నులు
నాచున పూచినతెల్లతామరలు
రాల్ కరగించేమురళీరవములు
రవళించేరసలోకములు !
.
పదునాలుగు లోకములను
కన్నయ్యవు నీ వైనా
కన్నకొడుకు వై యశోద
పున్నెము పండించా వట !
.
మన్ను తింటి వని అమ్మ కసరగా
నోరు తెఱచి లోకాలు చూపి తట !
జలకా లాడేగోపిక లందఱి
చీరలు దొంగిలి చె ట్టెక్కితి వట !
.
వెన్నదొంగ వై తిన్నంత తిని
ఉన్నది గోపికమూతికి ప్రామి
నిదురించేఆక్రొత్తకోడలిని
అత్తచేత తిట్టించి కులీకి తట !
.
వెదురుబొంగు నీపెదవి తాకగనె
పిల్లనగ్రోవిగ మారె నటే !
నల్లనిస్వామిని అడుగు మోపగా
పల్లె స్వర్గ మై పోయె నటే !
.
నీచిఱునవ్వులవెన్నెల లానిన
గోపికా లెంతటినోము నోచిరో !
నీతో ఆడినగోపబాలకులు
ఎన్ని జన్మములు తపము చేసిరో !
.
అడుగులౘప్పుడు
వినబడినప్పుడు
ఆయమునానది
యెంత పొంగెనో !
.
నీకు ౘ న్గుడిపి
నీలో కలసిన
పూతన యెంతటి
పుణ్యరాశియో !
.
గోపిక యైనా గోవే ఐనా
వేణువె ఐనా-స్థాణువె ఐనా
నిను చేరినదే జన్మమురా !
నిన్ను చూచినవె కన్నులురా !
.
నల్లనిస్వామీ ! కృష్ణయ్యా !
మాఉల్లము లేలేకన్నయ్యా !
.
******************