.
అదిగో ! అదిగో ! గాలిపటం !
ఆకాశంలో గాలిపటం !
రంగురంగులగాలిపటం !
చెంగున ఎగిరేగాలిపటం !
.
గాలివాలు చూసుకు కదలాడే
కీ లెఱిగిన దీగాలిపటం !
క్షణాని కొక్కొక్కప్రక్కకు మొగ్గే
గుణ మున్నది యీమొండిఘటం !
.
కోతికివలెనే తోక వున్నది !
కోతివలెనే యిది నిలకడ లేనిది !
అన్నిరంగులగాలిపటానికి
అసలురం గిదే చూడండీ !
.
ఒకదారప్రో వూత గొని
చకచక పై పై కెగిరింది !
ఆ దారము తెగిపోతే దానికి
ఆధారము మఱి లేదండీ !
.
పరులమీద ఆధారపడి
బ్రతికే వారలగతి యింతే !
స్వశక్తితోనే పైకి రాగలుగు
వాడే నిజముగ మని షంటే !
.
నీతీ నియమం లేనివారి నీ
గాలిపటంతో పోలుస్తారు !
కాలము వృధాగా గడిపేవానిని
గాలిపటంతో పోలుస్తారు !
.
*******************************
.
👉🏾మీకు నచ్చితే Like బటన్ నొక్కండి. మీ అభిప్రాయాలను ఈ క్రింద వ్యాఖ్యల పెట్టె (comment box) లో తెలియజేయండి👇🏾
******************************************************