.
క్షణంలో పుట్టి…
అరక్షణంలో వీగిపోతున్న…
ప్రేమకు కాలమిది.
అవసరమే బంధంగా మారి.. మనుషులు యంత్రాలుగా.. బ్రతుకుతున్న లోకమిది.
.
ప్రేమ ఓ మహా సాధన!
.
పంజరం లో చిక్కుకున్న….
పక్షి కళ్ళలోకి చూడు.
పాల కోసం ఏడుస్తున్న…
పిల్లి కూనను చేతుల్లోకి తీసుకో.
రాయి దెబ్బతిన్న…
కుక్క పిల్లను పలకరించు.
.
మనుషుల్లో కృశించి పోతున్న
మానవతను బ్రతికించాలంటే..
ఓ మూగజీవిని ప్రేమించడం
నేర్చుకో !
ఇవ్వడమే తెలిసున్న ఆ ప్రేమ…
సాధనగా…
అలవాటుగా…
స్వభావంగా మారి…
నీలో పెరిగి..పెరిగి..అనంతమై..
సాటి మనిషిని….
నిస్వార్ధంగా ప్రేమించగలిగే…. జీవనసూత్రంగా మారుతుంది!
.
—–(0)—–