.
మా భారత జనయిత్రికి వందనాలు! వందనాలు!
జనని పేరు వినగానే ఎద యెదలో స్పందనాలు!
.
అరుణ రుధిర మర్పింతుము తల్లికి హరిచందనాలు!
ఈ ప్రియతమ ధాత్రి యుండ ఎందుకు మరి నందనాలు!
తూరుపు దిక్కునా సంధ్యా రాగం – అది మా యెదలో కుసుమ పరాగం!
మనసూ మనసూ పూజా సుమాలుగా జనని కిత్తుమా సమ భాగం!
.
మా భారత జనయిత్రికి వందనాలు వందనాలు!
జనని పేరు వినగానే ఎద యెదలో స్పందనాలు!
.
గంగా తరంగాల సంగీత భంగిమలు మా తల్లికి నిరంతరం మంగళ గానం!
ఉరకులతో పరుగులతో ఉప్పొంగే నదీజలం స్పందించే తల్లి ఎడద అందించే రాగరసం!
.
మా భారత జనయిత్రికి వందనాలు వందనాలు!
జనని పేరు వినగానే ఎదయెదలో స్పందనాలు స్పందనాలు!
.
*******************************************************