.
[ ఏప్రిల్ 25వ తేదీ మధ్యాహ్నం స్వర్గస్థులైన నవనిధి ఎలక్ట్రానిక్స్, హైదరాబాద్ అధినేత, అమలాపురం ASN.కళాశాలల Chief Patron, కళా పోషకులూ అంతకు మించి గొప్ప మానవతావాది బ్రహ్మశ్రీ యేడిద రామనాధ శాస్త్రి గారికి శ్రద్ధాంజలి. ]
.
కీర్తిశేషులు శ్రీ ఏడిది రామనాధ శాస్త్రి గారికి సుమాంజలి
వేదమూర్తులు శ్రీ సత్యనారాయణ, శ్రీమతి మంగమ్మల పుణ్యఫలం,
ఏడిది వారింట పండింటి రామనాధ శాస్త్రి జననం.
.
అమ్మచేతి మిఠాయి తాయిలాలు,
నాన్న చెప్పిన భారత రామాయణాలు.
ఆరేసిన బట్టతో సహపంక్తి భోజనాలు.
మది నిండా ఆ జ్ఞాపకాలు నిత్య నూతనాలు.
.
కోనసీమ ఆభరణం శ్రీ భానోజి రామర్స్ కళాశాల ఆవరణం
ఉత్తమ శ్రేణి విద్యార్థులకు అధ్యాపకుల ఆదరణం
ఇంజనీరింగ్ విద్యలో ఆరితేరిన పరిజ్ఞానం
అంతరిక్షంలో కెగిరిన ఇస్రో విజయకేతనం
.
ఇరవదయిదేండ్ల వయసులో ఏడడుగులు నడిచిన సొగసు
అందాల భరిణి, అనుకూలవతి మణికి అర్థభాగమిచ్చిన నిండు మనసు
అనంతుడా యింటి వంశోద్ధారకుడు
సునీత వారింటి మహాలక్ష్మి సురేష్ ని చేపట్టిన గృహాలక్ష్మి
.
శ్రీనిధి దేశ విదేశీ సాంకేతిక విజ్ఞాన నవనిధి
శాస్త్రి గారి చేతి రక్షాబంధనం దేశ రక్షణా ప్రభంజనం
దేశ రక్షణ పరికరాల తయారీకి జంటనగరాలలో స్థాపించిన నవనిధి
.
తండ్రి గారి జ్ఞాపకార్థం నెలకొల్పిన ఏ‌ఎస్‌ఎన్ మహిళా కళాశాలల పెన్నిధి
అధునాతన స్త్రీ విద్యను ప్రోత్సహించిన పురుష పుంగవులు
.
సంస్కృతీ సంప్రదాయాల అభ్యున్నతికై వేదసభలు
దేవాలయ ఆస్తుల పరిరక్షణకై తండ్రిగారి పేరున నిర్మించిన కళావేదికలు
లలితా సంగీత లహరి పంచిన శాస్త్రీయ సంగీత మాధురి
.
గోరక్షణ అంటే ప్రాణం
వృద్ధులంటే అభిమానం
.
పదుగురు మంచి కోరు బ్రతుకు సుస్వర సంగీతం
పరమేశ్వరుని కృపతో కైలాస వాసం
భువిలో మీ కీర్తి అజరామరం
.
************************************************