75 సంవత్సరాల స్వాతంత్య్ర అమృతోత్సవ వేళ
రచన : భమిడి కమలాదేవిగారు
గానం : సత్యభామ స్వాతి
సంగీతం : ప్రమోద్
ఓయి భారతీయుడా – భావి భరత పౌరుడా
అమృతోత్సవపు వేళ – పునరంకితమౌదుమురా
చరణం 1:
పరదేశపు వారి పీడిత పాలననెదిరించి
ధనమనప్రాణములనొడ్డి సాధించిన స్వాతంత్య్రం
ప్రగతి పథమ్మున నడిపి – హైందవ కీర్తిని నిలిపి
ఆదర్శపు జాతిగా తీర్చిదిద్దు భారతావని || ఓయి భారతీయుడా ||
చరణం 2 :
స్వధర్మో నిధనం శ్రేయః – పరధర్మో భయావహః
విశ్వశాంతి కాంక్షించే వేదం ధర్మం మనది
అల్ప భావనలు నింపే – మతములు మనకేలరా
రామరాజ్యమ్మును కృష్ణ సారధ్యమును
వివేకానంద స్ఫూర్తులందుకొనుమ సోదరా
చరణం 3 :
కర్షకత్వము నీది కృషి సలుపుము సోదరా
ఆధునికపు విజ్ఞానమునందుకొనుము సోదరా
నరనారీ శక్తి తో -వేద విజ్ఞానము
పరిపాలన సామర్ధ్యం ఫలమంతమగురీతిని || ఓయి భారతీయుడా ||
చరణం 4:
జనని జన్మభూమిశ్చ – స్వర్గాదపి గరీయసి
రామచంద్రుడన్నమాట మరువకు సోదరుడా
ప్రగతి పథమ్మున నడిపి – హైందవ కీర్తిని నిలిపి
ఆదర్శపు జాతిగా తీర్చిదిద్దు భారతావని || ఓయి భారతీయుడా ||
చరణం 5 :
ముచ్చటగా ఠీవిగా – నింగినెగురు మన జండా
పతాక చ్ఛాయల్లో – మనమంతా ఒక్కటై
స్వాతంత్య్రపు స్వర్ణోత్సవ శుభసందర్భములో
శతకోటి నరనారీ ప్రణతులివే జననీ
*************************
👉🏾 ఈ అంశం పైన మీ అభిప్రాయాన్ని క్రింద వున్న Leave a reply box లో వ్రాయండి. 👇🏾
మీకు amazon లో కావల్సిన వస్తువుల కోసం ఈ పేజీని సందర్శించి కొనుగోలు చేయండి. ఈ పేజీలో లేని వస్తువుల amazon లింక్ మాకు పంపి మా ద్వారా order చేయగలరు….. Please visit this page