—
ఆహ్వానం..
ఆత్మీయ కరస్పర్శ …….
ఆలింగనం తో…
ఆరంభం కాని మాటలు..
మనసునెలా తాకుతాయి?
—
మాటలు మాత్రమే వినిపించి…
నీ కళ్ళలోని భావాలు
నేను చదవలేనప్పుడు..
నీ మాటలు నన్నెలా హత్తుకొంటాయి?
—
ముఖంలో మెరుపు..
కళ్ళలో ప్రేమ…
పెదవులపై చిరునవ్వు …
నా కళ్ళముందు లేనప్పుడు..
మాటలు నిశ్శబ్దాన్నెలా ఛేదిస్తాయి?
—
గుండె నొచ్చుకున్నప్పుడు ….
తల వాల్చుకోవడానికి..
ఎదుట నీ బుజం లేనప్పుడు..
గాలిలో తేలి వచ్చే మాటలు ….
ఎలా ఓదార్పునిస్తాయి?
—
నేస్తమా!
రోమాంచితమైన….
ఓ అనుభూతిని…
నీతో పంచుకోవడానికి..
నాకు మాటల యంత్రం వద్దు !
మాటలు గాలికందని చోట…
ఓ క్షణం మనసు విప్పుకోవాలి!
—
**********************************