ఇంత సంసారమును
ఈడ్చుయజమానివలె
ఇన్ని పెట్టెల నొక్క
యింజ నీడుస్తోంది !
పొగరెక్కి సిగరెట్లు
తెగ కాల్చుఅన్నవలె
పొగబండి పెద్దగా
పొగలు క్రక్కెస్తోంది !
కలహించుపిల్లలను 
గద్దించుతండ్రివలె
ఉన్నప్రజరొద చూసి
ఉఱిమింది పొగబండి !
ఇఱుకింట మంచాలు
సర్దిపెట్టుకొన్నట్లు
ఒక ‘ బెర్తు ’క్రింద ఇం
కొక ‘ బెర్తు ’ ఒదిగింది !
ఈలోకమునవలెనె
ఈరైలులోకూడ
వదలుజనములకన్న
వచ్చుజనమే హెచ్చు !
లోకాలు నడిపించు
లో కేశ్వరునిబోలె
గా ర్డనుమతించుచో
కదలిపోవును బండి !
జనము త్రొక్కిసలాడి
నను చెలిమి చేసినను
సాగి పోవునె కాని
ఆగిపోవదు బండి !
బండి తనసొంత మని
భావించు నొక్కొకడు !
అందఱికి సమమైన
హ క్కుండు నను నొకడు !
పెట్టె పెట్టెకు అతుకు
విడిన కదలదు బండి !
పొందికగ ఉన్ననే
ముందు కేగును బండి !
మనసు మనసును విడిన
మనబ్రతుకు మఱి మొండి !
భావ మతికినబ్రతుకు
పట్టాలపై బండి !
👉🏾 ఈ అంశం పైన మీ అభిప్రాయాన్ని క్రింద వున్న Leave a reply box లో వ్రాయండి. 👇🏾
——– ( 0 ) ——-
Please visit this page