.
అన్నా !
అమ్మా నాన్నల ప్రేమకు..
మరో రూపమైన నిన్ను..
సదా మనసులో కొలుచుకొంటాను.
.
నేను చేసే జీవనగమనంలో..
ఆనందానుభూతులసుధలు..
వర్షించినప్పుడు..
అందులో నీ పాత్రను
సదా స్మరించుకొంటాను.
.
పాదాలు వణికి..
అడుగు తడబడినప్పుడు..
మనోస్థైర్యం కోసం…
నీ అడుగును తోడు అడుగుతాను.
.
అప్పుడప్పుడూ పైనబడే..
అలజడుల అశనిపాతాలు…
తట్టుకొని నిలబడడానికి..
నీ నీడలో సేద తీరుతాను.
.
వెన్నెలను… వేసవిని పంచుకొంటూ
భుజం తట్టి ముందుకు నడిపిస్తూ.. నన్ను రక్షించే గొప్ప శక్తిగా… స్నేహితునిగా…
నిన్ను గుర్తించిన
నా ప్రేమకు సంకేతమే
నేడు…
నీ చేతికి నేను కడుతున్న..
ఈ రక్షాబంధనం!
.
———(O)———
Super sir (father)
Good read